प्रांतीय छत्तीसगढ़ साहित्य समिति जिला बेमेतरा के 7 जनवरी के होही गठन, सपथ ग्रहण,चर्चा गोष्ठी,औ होही कवि गोष्ठी
प्रांतीय छत्तीसगढ़ साहित्य समिति जिला बेमेतरा के 7 जनवरी के होही गठन, सपथ ग्रहण,चर्चा गोष्ठी,औ होही कवि गोष्ठी
बेमेतरा - प्रांतीय छत्तीसगढ़ी साहित्य समिति जिला बेमेतरा के गठन 7 जनवरी 2023 दिन शनिच्चर के गांधी भवन मे दोपहर 12 बजे करे जाही ये कार्यक्रम म बेमेतरा जिला के जम्मो पदाधिकारि अउ जिला सदस्य मन कू सपथ ग्रहण,चर्चा गोष्ठी और छत्तीसगढ़ी भाषा मे अव ईया कवि मन के दुआरा कविता पाठ करे जाही। ये समिति ह कई हसाल ले छत्तीसगढ़ी भाषा के प्रचार प्रसार करत आवथे ये भाषा ल शासन स्तर पर घलोक राजकाज की भाषा बनाये के लिए काम करे जावथे अउ पूर्ण भाषा का दर्जा दिलाने के खातिर एला आठवीं अनुसूची मे जुड़वाये के प्रयास घलो करे जावथे।
ये कार्यक्रम के माई पहुना के रूप मे बेमेतरा विधानसभा के विधायक सिरी आशीष छाबड़ा जी, पगरैत के रूप मे हमर प्रांतीय छत्तीसगढ़ी साहित्य समिति के प्रदेश अध्यक्ष सगरी कान्हा कौशिक जी, खास सगा के रूप मे सिरी योगेश तिवारी जी किसान नेता बेमेतरा विधानसभा, सिरी अजय शर्मा जी किसान नेता बेमेतरा, सिरी विजय सिन्हा जी,पूर्व अध्यक्ष नगर पालिका बेमेतरा, सिरी रामानन्द त्रिपाठी जी हास्य व्यंग्य कवि अउ प्रांतिय सचिव छत्तीसगढ़ी साहित्य समिति रायपुर(बेमेतरा),सिरी मोहित राम वर्मा जी संरक्षक,सिरी दिनेश गौतम जी संरक्षक,सिरी राजेन्द्र पाटकर जी संरक्षक,सिरी कृष्णा भारतीय जी संरक्षक,सिरी ईश्वर साहु आरूग जी प्रदेश कार्यकारिणी सदस्य उपस्थित रहही। ये कार्यक्रम मे जिला अध्यक्ष गोकुल बंजारे चंदन ह छत्तीसगढ़ी साहित्य समिति जिला बेमेतरा के जम्मो पदाधिकारी, अउ कार्यकारिणीय,अउ बेमेतरा नगर वासी ल उपस्थित होये के लिए किलौरी करे गेये है।